ឯកឧត្តម ទេព យុទ្ធី ជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះសាកសួរសុខទុក្ខតាមខ្នងផ្ទះប្រជាពលរដ្ឋចាស់ជរា ពិការ មានជំងឺដែលកំពុងសម្រាកព្យាបាលនៅគេហដ្ឋានចំនួន ៦នាក់
រសៀលថ្ងៃសៅរ៍ទី២៧ ខែមីនា ឆ្នាំ២០២១ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះសាកសួរសុខទុក្ខតាមខ្នងផ្ទះប្រជាពលរដ្ឋចាស់ជរា ពិការ មានជំងឺដែលកំពុងសម្រាកព្យាបាលនៅគេហដ្ឋានចំនួន ៦នាក់ ស្ថិតនៅក្នុងភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប។ក្នុងឱកាសនោះដែរ ឯកឧត្តម បានធ្វើការអប់រំណែនាំដល់ប្រជាពលរដ្ឋឲ្យយកចិត្តទុកដាក់ថែទាំសុខភាព និងអនុវត្តជាប់ជាប្រចាំនូវវិធានការ ៣កុំ និង ៣ការពារឲ្យបានខ្ជាប់ខ្ជួន ដើម្បីរួមចំណែកទប់ស្កាត់ការរាលដាលនៃជំងឺកូវីដ-១៩ និងបាននាំយកនូវឈើច្រត់ដែកចំនួន ០៦គូ ក្រម៉ា និងថវិកាមួយចំនួនឧបត្ថម្ភជូនផងដែរ។
